Последниве денови имаме драматика на криптопазарот , она од што многумина се плашеа конечно се случи и сега како понатака, цената на еден биткоин падна од близу 20000$ на 12000$
Биткоинот и во минатото имал такви големи падови, токму таа особина го прави и несигурен како средство за плаќање, но од друга страна тоа го прави интересен за берзанските тргувања и енормни заработки во краток период.
Целата "операција" можеше да се насети пред 3-2 дена кога Ворен Бафет, кому американците му веруваат безрезервно, на CNBC даде "мислење" дека биткоинот е несигурен. Тоа беше пренесено на сите медиуми и за сите оние кој го следат крипто светот беше доволен сигнал дека следува пад на цената.
Друг значаен фактор кој влијаеше е Лунарната Нова Година која источниот свет ја прославува овие денови , што покажува колку е големо влијанието на источниот капитал врз криптопазарот.
Капитализацијата на маркетот се намали за 30% , т.е. парите се извлекоа набрзина што го предизвика падот на цената над 40%.
На првата слика се гледаат некој податоци од минатото и тие сами за себе говорат какви падови и порасти на цената може да се случуваат и сето тоа е нормално на еден саморегулирачки пазар каде што понудата и побарувачката ја дефинира цената.
Најголемата придобивка која ја има крипто пазарот е тоа што на него вистински дејствуваат економските законитости со што пазарот самиот се регулира и развива !
Децентрализацијата на криптовалутите со користењето на Блокчеин технологијата ја дава неопходната доверба за нејзиниот се поголем развој со појава на се поголем број нови проекти во сите области финансирани независно од банките и финансиските институции кој ги контролираат владите и државите.
Криптопазарот е интернационален, саморегулирачки и нуди неограничени можности.
ИНФЛАЦИЈАТА ГО ПОТТИКНУВА ИНВЕСТИРАЊЕТО И РАЗВОЈОТ како терорија на капитализмот паѓаат во вода со појавувањето на криптопазарот, за жал новото време и технологиите на иднината во делот на финансиите можат да бидат придобивка за сите доколку правилно се применат , а банкарските институции кој се троми на своите добро зацементирани позиции е најдобро да се соочат со реалноста и да се обидат да фатат приклучок наместо да се борат против прогресот.
