Наспроти еуфоријата и секојдневните позитивни написи за криптовалутите, некогаш треба да се погледа на вистината во очи и преку бројки да се дојде до одговори на прашањата кој некако остануваат да "висат" неодговорени.
Почетната идеа на Биткоинот била тој да биде средство за плаќање. За да ја исполни таа улога тој треба да биде подобар од денешните постојни системи како што се VISA и MASTERCARD.
За жал вистината е дека сегашнава Blockchain технологија не може да одговори на предизвикот и е преспора и прескапа за да ги превземе сите трансакции и да ги замени сегашните платни системи кој обработуваат и по 2000 трансакции во една секунда. Технички е неизвoдливо со сегашното ниво на технологија, пред се поради големината на податоците кој ги носи во себе Blockchain трансакцијата, да се постигне таква брзина. Денес обработката на трансакцијата кај Биткоинот трае и до 10 минути.
Една од светлите точки на технологијава е што таа секојдневно се развива и вклучува нови тимови кој секојднево ја подобруваат па така од тие проекти се произлезени Litecoin, Ethereum, NEO со подобрени и побрзи алгоритми но сепак за да тие системи успеат да влезат во трка со сегашните платни системи треба да се популаризираат и докажат како доверливи, треба да помине неопходното време за да тие созреат и доволно нараснат, а најважно е да бидат општо прифатени, озаконети и ако е неопходно и регулирани во определена мерка.
Друга уште побитна тема е цената на трансакциите која кај Blockchain технологијата е поголема пред се поради сложените крипто алгоритми за чие пресметуваање е потребно повеќе енергија што само по себе ја подига цената на поединечна трансакција, цена која се наплатува како провизија за минерите кој ги одработуваат трансакционите блокови.
Во овие неколку споменати факти лежи причината зошто криптовалутите денес се повеќе имот и средство за тргување одошто реални пари кој можат да го заменат постојниот платен систем на државите.
Ви предлагаме да го прочитате оригиналиот текст каде што има повеќе технички информации на темава:
Source link
Source link
